Mewnfuddsoddiad

Ym mis Gorffennaf ‘24, lansiwyd dau adroddiad yn dangos bod economi De Cymru a Gorllewin Lloegr yn debygol o dyfu’n gyflymach nag unrhyw ran arall o economi’r DU y tu allan i Lundain dros y pum mlynedd nesaf. Rhydd adroddiadau gan Hardisty Jones Associates ac Oxford Economics ac EY, ddisgrifiad cyfoes o gryfderau economaidd ein hardal.

Mae hyn yn dibynnu ar weithlu medrus Porth y Gorllewin, diwydiant sy’n arwain y byd a busnes uwch-dechnoleg gyda sectorau cryf mewn seibr, ynni gwyrdd, awyrofod, creadigol a thechnoleg ariannol. Er gwaethaf hyn, nid oes gan ein hardal yr un buddsoddiad â rhannau eraill o’r DU.

Er hyn, mae cwmnïau yn ein hardal yn colli allan ar rhwng £3-9 miliwn mewn buddsoddiad sector preifat y flwyddyn ar gyfartaledd, o gymharu â rhannau eraill o’r DU.

Ar hyn o bryd mae Llundain yn derbyn bron i hanner cyfanswm y buddsoddiad sy’n mynd i gwmnïau yn y DU o wledydd eraill, sef 43%. Dim ond 2.9% y mae Cymru ar y llaw arall yn ei dderbyn, tra bod De-orllewin Lloegr yn derbyn 5%. Er gwaethaf dod â mwy o fuddsoddiad i mewn na gweddill Cymru a De Orllewin Lloegr gyda’i gilydd, mae angen i Borth y Gorllewin ddenu £56bn arall o hyd i gyrraedd cyfartaledd y DU.

Rydym yn parhau â’n gwaith gyda busnesau lleol i ddeall sut y gallwn weithio gyda’n gilydd i ddod o hyd i atebion ar gyfer heriau sy’n ein hwynebu i gyd a chredwn fod gennym y potensial i sianelu mwy o fuddsoddiad yn ein cymunedau arloesol. Rydym yn barod i weithio gyda’n cydweithwyr ledled y wlad i fod yn sbardun i’n heconomi yn y dyfodol a chwarae ein rhan wrth helpu’r DU i gyflawni ei Chenhadaeth Genedlaethol ar gyfer Twf.